ഒരു നാള്‍ ഒരു ശലഭമായ്

ഇനിയുമെനിക്കൊരു ജന്മമുണ്ടെങ്കില്‍ ഞാന്‍

നീല ചിറകുള്ള ശലഭമാകാം...

പൈതൃകസത്തകള്‍ കാത്തുസൂക്ഷിക്കാനാദ്യം

നന്മയെഴും നറുമുട്ടയാവാം ഞാന്‍ ....

എന്‍ പ്രിയതെ , നിനക്ക് കളിക്കൂട്ടാകുവാന്‍...
തുള്ളിത്തുടിക്കും കുസൃതിപ്പുഴുവാകാം പിന്നെ ,

പാതിവ്രത്യത്തിന്‍ പ്യൂപ്പക്കൂടിനുള്ളിലെന്‍ പ്രിയനേ , നിനക്കാ -
യിനിയും സംവത്സരങ്ങള്‍ ഞാന്‍ നിദ്രയെ പുല്‍കാം...
പ്രകൃതിതന്‍ കരപരിലാളനമേറ്റ് ഞാന്‍
ഒടുവിലാ നീലചിറകുള്ള ശലഭമാകുമെന്നാകിലും...
ഇനിയും ഈ ജന്മം ഞാന്‍ ആര്‍ക്കു വേണ്ടി ,എനിക്കറിയില്ലെന്‍-

ചിറകു കൊഴിയാനിനി നിമിനേരമല്ലേയുള്ളൂ....